តើអ្វីទៅជាការញៀនគ្រឿងញៀន?
អាចកើតមាន កាលណាបុគ្គលម្នាក់ប្រើគ្រឿងញៀនឥតឈប់ឈរ ដោយគ្មានហេតុផលវេជ្ជសាស្ត្រណាមួយ ហើយទង្វើបែបនេះ អាចប៉ះពាល់ដល់សុខភាពរបស់ខ្លួនជាអវិជ្ជមាន។ ការញៀន ធ្វើឱ្យបុគ្គលមានចំណង់ខ្លាំងក្នុងការប្រើបន្តទៀត ទោះបីជាដឹងថាវាបណ្ដាលឱ្យមានគ្រោះថ្នាក់ដល់ខ្លួនក៏ដោយ។ កាលណាអ្នកញៀនគ្រឿងញៀន ព្យាយាមបញ្ឈប់ការប្រើវា គាត់នឹងមានអារម្មណ៍ដូចជាមានជំងឺ (បណ្ដុំរោគសញ្ញានៃការដាច់គ្រឿងញៀន)។
“ជំងឺផ្លូវចិត្តដែលអាចព្យាបាលជាសះស្បើយ”
តើអ្វីទៅជាការញៀនគ្រឿងញៀន?
អាចកើតមាន កាលណាបុគ្គលម្នាក់ប្រើគ្រឿងញៀនឥតឈប់ឈរ ដោយគ្មានហេតុផលវេជ្ជសាស្ត្រណាមួយ ហើយទង្វើបែបនេះ អាចប៉ះពាល់ដល់សុខភាពរបស់ខ្លួនជាអវិជ្ជមាន។ ការញៀន ធ្វើឱ្យបុគ្គលមានចំណង់ខ្លាំងក្នុងការប្រើបន្តទៀត ទោះបីជាដឹងថាវាបណ្ដាលឱ្យមានគ្រោះថ្នាក់ដល់ខ្លួនក៏ដោយ។ កាលណាអ្នកញៀនគ្រឿងញៀន ព្យាយាមបញ្ឈប់ការប្រើវា គាត់នឹងមានអារម្មណ៍ដូចជាមានជំងឺ (បណ្ដុំរោគសញ្ញានៃការដាច់គ្រឿងញៀន)។
សារធាតុញៀនអាចមានច្រើនប្រភេទ រួមមានគ្រឿងស្រវឹង ថ្នាំជក់ កាហ្វេ ថ្នាំងងុយគេង ថ្នាំបំបាត់ការឈឺចាប់ខ្លាំង និងសារធាតុញៀនខុសច្បាប់ដទៃទៀត។ល។
តើគ្រប់មនុស្ស ដែលប្រើគ្រឿងញៀនសុទ្ធតែមានបញ្ហាទាំងអស់ឬ?
មិនមែនទេ! មានបែបបទផ្សេងៗគ្នាច្រើន ដែលបុគ្គលអាចប្រើសារធាតុញៀន តែមិនធ្វើឱ្យគាត់មានភាពញៀនទេ។
ការសាកល្បងម្ដងឬពីរដង ច្រើនកើតមានក្នុងចំណោមមនុស្សវ័យក្មេង។ ពួកគេប្រើប្រាស់ ដើម្បីបង្កើនការសប្បាយ និងជួបជុំ។
ការប្រើជាទំលាប់ក្នុងស្រុកភូមិ ដូចជាកញ្ឆាជាដើម ដែលមនុស្សភាគច្រើនដែលប្រើវាតែម្ដងម្កាលប៉ុណ្ណោះ ហើយជីវិតរស់នៅប្រចាំថ្ងៃ និងសុខភាពរបស់ពួកគេមិនមានផលប៉ះពាល់អ្វីឡើយ។
“Calmness is the cradle of power.”
ភាពញៀនដែលបង្ខំឱ្យមានការប្រើប្រាស់បន្ត៖
ជាបញ្ហាគ្រោះថ្នាក់ នៃការប្រើប្រាស់គ្រឿងញៀនដែលអាចប៉ះពាល់ ដល់អនាគតសុខភាពគ្រួសារ និងបញ្ហាផ្លូវច្បាប់របស់បុគ្គលនោះ។
តើសារធាតុណាខ្លះ ដែលនាំឱ្យញៀន?
គ្រឿងញៀនដែលបន្ថយសកម្មភាពខួរក្បាល៖ មានអាភៀន និងហេរ៉ូអ៊ីន។ ការប្រើ ក្នុងកម្រិតទាបអាចធ្វើឱ្យបុគ្គលមានអារម្មណ៏សម្រាកស្រួល។ ការប្រើក្នុងកម្រិតខ្ពស់ អាចធ្វើឱ្យបុគ្គលមានលក្ខណះធីងធោង និងមិនដឹងខ្លួន។ វាអាចធ្វើឱ្យបុគ្គលមានចំណង់យ៉ាងខ្លាំងក្នុងការប្រើ ហើយមានប្រតិកម្មនៃការដាច់គ្រឿងញៀនធ្ងន់ធ្ងរ ដូចជា គ្រុនក្ដៅ រសាប់រសល់ នៅមិនស្ងៀម វង្វេង ចង់ក្អួត រាគរួស ថប់បារម្ភ និងប្រកាច់។
គ្រឿងញៀនដែលជំរុញសកម្មភាពខួរក្បាល៖
មានកូកាអ៊ីន អាំហ្វេតាមីន អេស្តាស៊ី។ល។ ការប្រើក្នុងកម្រិតទាបធ្វើឱ្យបុគ្គលមានអារម្មណ៍វាងវៃ និងស្រលះក្នុងខ្លួន តែក្នុងកម្រិតខ្ពស់វាធ្វើឱ្យបុគ្គលមានអារម្មណ៍ តានតឹង ស្លន់ស្លោ និងរសាប់រសល់។ បុគ្គលដែលប្រើវា អាចនឹ ងមានការលំបាកក្នុងការគ្រប់គ្រងការគិត ហើយអាចមានការទទួលញាណខុស មានគំនិតសង្ស័យនិងវង្វេង។ ជាទូទៅប្រតិកម្មនៃ ការដាច់គ្រឿងញៀនប្រភេទនេះ មានលក្ខណះស្រាលដូចជាការឃ្លាន និងអស់កម្លាំង។
សារធាតុធ្វើឱ្យមានការមមាល៖
ដូចជា MAGIC MUSHROOM, LSD ត្រូវបានប្រើជាពិសេសឋ ដើម្បីមានការមមាល។ LSD អាចមានឥទ្ធិពលរហូតដល់លើស១២ម៉ោង។ មនុស្សខ្លះអាចមានលក្ខណះរំភើបចិត្តខ្លាំង វង្វេង និងសង្ស័យច្រើន កាលណាប្រើប្រាស់សារធាតុទាំងនេះ។
មនុស្សខ្លះ ប្រើគ្រឿងញៀនច្រើនប្រភេទក្នុងពេលតែមួយ ឧទាហរណ៍ ប្រភេទខ្លះដូចបានរៀបរាប់ខាងលើ ជាមួយនឹងថ្នាំជក់ គ្រឿងស្រវឹង ឬថ្នាំងងុយគេង។
តើសារធាតុញៀនត្រូវបានប្រើប្រាស់ដោយរបៀបណា?
សារធាតុញៀន ត្រូវបានគេយកមកប្រើតាមរបៀបច្រើនយ៉ាង។ វិធីដែលគេបានប្រើញឹកញាប់ជាងគេរួមមាន៖
- ការជក់ រួមមាន ទឹកកក កញ្ឆា អាភៀន បារី កូកាអ៊ីន ខាត់។
- ការផឹក ចុក និងហូប រួមមានថ្នាំងងុយគេង យ៉ាម៉ា យ៉ាបា អេស្តាស៊ី ខេ កូកាអ៊ីន។ល។
- ការហិត ឬហឺតតាមច្រមុះ មានកូកាអ៊ីន ខេ កាវ ប្រេង។ល។
- ការចាក់ មានហេរ៉ូអ៊ីន ទឹកកក និងកូកាអ៊ីន។
តើការញៀនគ្រឿងញៀននាំឱ្យបុគ្គលមានបញ្ហាអ្វីខ្លះ?
- ការប្រើសារធាតុញៀន បណ្ដាលឱ្យមានគ្រោះថ្នាក់ធ្ងន់ធ្ងរដល់បុគ្គល និងគ្រួសារ។
- បញ្ហាសុខភាពផ្លូ វចិត្ត អាចបង្កជាជំងឺផ្លូវចិត្តជាច្រើនដូចជា ជំងឺធ្លាក់ទឹកចិត្ត ថប់បារម្មណ៍ វិកលចរិត និងការសម្លាប់ខ្លួន។ល។
- បញ្ហាសុខភាពផ្លូ វកាយ អាចជាមូលហេតុនៃជំងឺផ្លូវកាយធ្ងន់ធ្ងរជាច្រើនដូចជា ជំងឺសួត ថ្លើម បេះដូង ប្រព័ន្ធការពាររាងកាយចុះខ្សោយ និងការឆ្លងជំងឺ។
- បញ្ហាគ្រួសារ ជារឿយៗការប្រើគ្រឿងញៀននាំឱ្យមានជំលោះ និងមានបញ្ហាក្នុងគ្រួសារ។
- គ្រោះថ្នាក់អ្នកដែលញៀនគ្រឿង អាចទទួលរងនូវគ្រោះថ្នាក់នៅពេលស្រវឹង។
- បញ្ហាសង្គម បុគ្គលតែងចំណាយពេលច្រើនជាមួយគ្រឿងញៀន។ ដូចនេះ បានជាពួកគេតែងមិនអាចសិក្សារ ធ្វើការ ឬចូលរួមក្នុងជីវិតប្រចាំថ្ងៃ។
- បញ្ហាហិរញវត្ថុ ការប្រើគ្រឿងញៀនត្រូវការប្រាក់កាស ដែលជាផ្នែកមួយនៃចំណាយប្រចាំថ្ងៃ។ ដូចនេះ វាអាចជាកត្តានៃការធ្វើឱ្យមានភាពក្រីក្រ
- បញ្ហាផ្លូវច្បាប់ អ្នកប្រើគ្រឿងញៀនខ្លះ អាចចូលរួមក្នុងសកម្មភាពឧក្រិដ្ឋកម្ម ដើម្បីឱ្យបានគ្រឿងញៀនមកប្រើ។ ក្នុងប្រទេសជាច្រើន ការប្រើគ្រឿងញៀន គឺជាបទឧក្រិដ្ឋមួយហើយបុគ្គលអាចនឹងជាប់ទោស ប្រសិនបើត្រូវរកឃើញថាប្រើប្រាស់គ្រឿងញៀន។
- មរណះភាព ការញៀនគ្រឿងញៀនអាចបណ្ដាលឱ្យស្លាប់ ដោយការប្រើលើសកម្រិត ដោយការឆ្លងជំងឺធ្ងន់ធ្ងរ និងដោយសារគ្រោះថ្នាក់ធ្ងន់ធ្ងរ។
ហេតុអ្វីបានជាមនុស្ស ប្រើគ្រឿងញៀន?
- ជារឿយៗការប្រើគ្រឿងញៀន អាចចាប់ផ្ដើមពីយុវវ័យ។ ហេតុផលសំខាន់ ម្យ៉ាងនៃការចាប់ផ្ដើម គឺអាចទាក់ទងនឹងឥទ្ធិពលពីមិត្តភិក្ត្រ (មិត្តភិក្តដែលប្រើគ្រឿងញៀន លើកទឹកចិត្តឱ្យប្រើតាម)។
- ការចង់ចេះ ចង់ដឹង ចង់សាក និងភាពងាយស្រួលរក (គ្រឿងញៀន) ក៏ជាមូលហេតុចំបងផងដែរ។
- បុគ្គលម្នាក់ យកការប្រើគ្រឿងញៀនជាវិធី ក្នុងការដោះស្រាយភាពតានតឹងផ្លូវចិត្ត ដូចជាបញ្ហាទំនាក់ទំនង និងភាពគ្មានការងារធ្វើជាដើម។
- ពេលការញៀនចាប់ផ្ដើម ការញៀនផ្នែកនៃខួរក្បាល គឺជាបុព្វហេតុសំខាន់ដែលនាំឱ្យបុគ្គលបន្តការប្រើ។
តើពេលណាទើបសង្ស័យថា បុគ្គលម្នាក់ប្រើគ្រឿងញៀន?
- មានបញ្ហានៅសាលារៀន ជាពិសេសប្រសិនជាគាត់មិនធ្លាប់មានបញ្ហាពីមុនមក។
- ចាប់ផ្ដើមមិនយកចិត្តទុកដាក់ ជាមួយនិងការងារ ចាំថ្ងៃរបស់ខ្លួន
- ងាកចេញពីមិត្តភិត្តចាស់ៗ និងសង្គម
- មានបញ្ហាជាមួយផ្នែកច្បាប់ ម្ដងហើយម្ដងទៀតទាក់ទងនឹងគ្រឿងញៀន។
- មានលក្ខណៈវង្វេងក្នុងអំឡុងពេលសម្ភាសន៍
- មានជំងឺផ្លូវចិត្ត ឬរាងកាយដែលទាក់ទង នឹងការប្រើប្រាស់គ្រឿងញៀន។
- សមាជិកគ្រួសារមានការព្រួយបារម្ភ អំពីការផ្លាស់ប្ដូរអាកប្បកិរិយារបស់បុគ្គលនោះ
តើអ្វី ជាការព្យាបាលវិបត្តិគ្រឿងញៀន?
ដោយសារតែការប្រើប្រាស់សារធាតុញៀន បានប៉ះពាល់អវិជ្ជមាន លើរចនាសម្ព័ន្ធខួរក្បាលដែលបណ្តាលឱ្យមានការប្រែប្រួលនៃការគិត ទឹកចិត្ត អាកប្បកិរិយា និងទំនាក់ទំនងសង្គម។ ដូចនេះ ការព្យាបាលខួរក្បាល និងផ្លូវចិត្ត ពិតជាមានសារៈសំខាន់ក្នុងការផ្លាស់ប្តូរឥរិយាបទនៃការឈប់ប្រើប្រាស់គ្រឿងញៀនរបស់អ្នកជំងឺដែលឈានទៅរកការជោគជ័យនៃការព្យាបាល។ គោលបំណងនៃការព្យាបាល គឺដើម្បី ប្រាកដថាអ្នកជំងឺ នឹងមិនប្រើប្រាស់គ្រឿងញៀនតទៅទៀត និងមានអនាគនិងគុណភាពនៃជីវិតដ៏ល្អប្រសើរ។
តើការព្យាបាលវិបត្តិគ្រឿងញៀន ធ្វើដោយរបៀបណាខ្លះ?
- ការព្យាបាលដោយឪសថបន្សាបគ្រឿងញៀ ន
- ការព្យាបាលដោយឪសថទៅ លើផលវិបាកនានានៃសារធាតុញៀនទៅលើខួរក្បាល។
- ការព្យាបាលជំងឺផ្លូវចិត្តដែលជាប់ពាក់ព័ន្ធ (កត្តាជំរុញចំបងដែលធ្វើឱ្យមានការលាប់នៃការប្រើប្រាស់គ្រឿងញៀនមកវិញ)។
- ការព្យាបាលដោយការនិយាយ ទៅលើការជំរុញទឹកចិត្ត នៃដំណាក់កាលនៃការផ្លាស់ប្តូរ។
- ការស្តារសម្បទារផ្លូ វចិត្ត
- ការផ្លាស់ប្តូរឥរិយាបទ ការរស់នៅល្អ ដើម្បីជៀសពីការប្រើគ្រឿងញៀនមកវិញ។
“ជំងឺខួរក្បាល និងផ្លូវចិត្តដែ លអាចព្យាបាលជាសះ ស្បើ យ”