ការព្យាបាលបែបចិត្តសាស្ត្រ គឺជាគំរូនៃការព្យាបាលជំងឺផ្លូវចិត្តមួយប្រភេទដោយការសន្ទនា ពិភាក្សានិងបណ្តុះជំនាញ ដោយចេតនា ដែលធ្វើឡើងដោយអ្នកចិត្តសាស្ត្រគ្លីនិក ដែលបានទទួលការបណ្តុះបណ្តាល ដើម្បីជួយដល់អតិថិជន ឬអ្នកជំងឺ ក្នុងការប្រឈមមុខនឹងបញ្ហានៃការរស់នៅប្រចាំថ្ងៃ និងលើកកំពស់សុខមាលភាពផ្លូវចិត្តរបស់ខ្លួន។ អ្នកព្យាបាលចិត្តសាស្ត្រនឹងប្រើបច្ចេកទេសជាច្រើនខុសៗគ្នា ក្នុងការព្យាបាលដោយផ្អែកលើ ស្ថានភាពជាក់ស្តែងអតិថិជន ប្រភេទបញ្ហា ប្រភេទជំងឺ បទពិសោធន៍ជីវិត និងបំណងនៃការផ្លាស់ប្តូរអាកប្បកិរិយា ហើយបច្ចេកទេសទាំងនោះត្រូវបានរចនាឡើងដើម្បីកែលម្អសុខភាពផ្លូវចិត្តរបស់អតិថិជន ឬកែលម្អទំនាក់ទំនងក្នុងគ្រួសារជាដើម។ បញ្ហា និងជំងឺផ្លូវចិត្តដែលអាចព្យាបាលបែបចិត្តសាស្ត្រមានដូចជា ជំងឺថប់បារម្មណ៍ ជំងឺធ្លាក់ទឹកចិត្ត ជំងឺវិបត្តិអត្តចរិក ជំងឺបាយប៉ូឡា
វិបត្តិដំណេក វិបត្តអាកប្បកិរិយាកុមារ វិបត្តិគ្រឿងញៀននិងបញ្ហាទំនាក់ទំនងក្នុងគ្រួសារ(ប្តី ប្រពន្ធ និងកូន) ។ល។

ទម្រង់នៃការព្យាបាលបែបចិត្តសាស្ត្រ នៅមន្ទីរសម្រាកព្យាបាលជំងឺផ្លូវចិត្តអាម៉ារី
មានដូចជា៖

• ការព្យាបាលនៃផ្លាស់ប្តូរ ការយល់ដឹងនិងអាកប្បកិរិយា

• ការព្យាបាលវិបត្តិក្នុងគ្រួសារ

• ការព្យាបាលបែបវិភាគទស្សនៈផ្លូវចិត្ត

• ការព្យាបាលបែបជំរុញផ្លូវចិត្ត

• ការប្រឹក្សាពីស្ថានភាពផ្លូវចិត្ត

• ការអភិវឌ្ឍន៍ជំនាញទន់ និងលើកំពស់សុខមាលភាពផ្លូវចិត្ត